Wednesday, December 18, 2013

Navakarnataka Books introduced in Gujari Angadi Blog

ಗುಜರಿ ಅಂಗಡಿ

Tuesday, December 17, 2013

ರೋಹಿತ್ ಚಕ್ರತೀರ್ಥ ಅವರ ಎರಡು ಕುತೂಹಲಕಾರಿ ಕೃತಿಗಳು


ಬದುಕಿಗೆ ಸ್ಫೂರ್ತಿಯಾಗುವ ಬದುಕು
 
ರೋಹಿತ್ ಚಕ್ರತೀರ್ಥ, ಕನ್ನಡದಲ್ಲಿ ವಿಜ್ಞಾನವನ್ನು ಬರೆಯುತ್ತಿರುವ ಲೇಖಕರ ಸಾಲಿನಲ್ಲಿ ಹೊಸ ಹೆಸರು. ಗಣಿತದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರುವ ರೋಹಿತ್‌ರ ಆಸಕ್ತಿ , ಬದುಕು ಸಾಹಿತ್ಯವಾಗಿರುವುದರಿಂದಲೋ ಏನೋ, ಗಣಿತ, ವಿಜ್ಞಾನ ಇವೆಲ್ಲವನ್ನೂ ಸ್ವಾರಸ್ಯಕರವಾಗಿ ಕಟ್ಟಿಕೊಡುವ ಕಲೆ ಗೊತ್ತಿದೆ. ‘ಏಳು ಸಾವಿರ ವರ್ಷ ಬದುಕಿದ ಮನುಷ್ಯ’ ರೋಹಿತ್ ಚಕ್ರತೀರ್ಥ ಅವರ ಇನ್ನೊಂದು ಕುತೂಹಲಕ ಕೃತಿ. ಇದೊಂದು ರೀತಿಯಲ್ಲಿ ಬಿಡಿಬಿಡಿಯಾಗಿರುವ ವ್ಯಕ್ತಿ ಚಿತ್ರಗಳ ಸಂಗ್ರಹ. ಆದರೆ ಎಲ್ಲ ವ್ಯಕ್ತಿಗಳ ಬೇರು ತಮ್ಮ ವ್ಯಕ್ತಿತ್ವದ ಮೂಲಕ ಎಲ್ಲೋ ಒಂದೆಡೆ ಸಂದಿಸುತ್ತದೆ ಎನ್ನಿಸುತ್ತದೆ. ಆದುದರಿಂದಲೇ ಇಲ್ಲಿರುವ ವ್ಯಕ್ತಿಗಳು ಬೇರೆ ಬೇರೆಯಾಗಿದ್ದರು, ಎಲ್ಲೋ ಒಬ್ಬರು ಮತ್ತೊಬ್ಬರಿಗೆ ಸಂಬಂಧಿಸಿದವರು ಅನ್ನಿಸಿ ಬಿಡುತ್ತದೆ. ಇದು ಈ ಕೃತಿಯ ಹೆಗ್ಗಳಿಕೆಯೂ ಹೌದು.
 ಏಳು ಸಾವಿರ ವರ್ಷ ಬದುಕಿದ ಮನುಷ್ಯ ಪಾಲ್ ಏರ್ಡಿಶ್ ಕುರಿತಂತೆ ಇಲ್ಲೊಂದು ಕುತೂಹಲಕಾರಿ ಬರಹವಿದೆ. ಇದೊಂದು ರೀತಿಯಲ್ಲಿ ವಾಸ್ತವವೂ ಹೌದು. ಪುರಾಣವೂ ಹೌದು. ಒಬ್ಬ ಎಷ್ಟು ವರ್ಷ ಬದುಕಿದ್ದಾನೆ ಎನ್ನುವುದನ್ನು ನಿರ್ಧರಿಸುವುದು ಹೇಗೆ? ಅವನು ಮಾಡಿದ ಕೆಲಸದ ಮೂಲಕವೋ ಅಥವಾ ಆಯಸ್ಸಿನ ಮೂಲಕವೋ. ಎಪ್ಪತ್ತು ಮಹಾನ್ ಸಾಧಕರು ಪ್ರತಿಯೊಬ್ಬರೂ ನೂರು ನೂರು ವರ್ಷ ಕೂತು ಮಾಡುವಷ್ಟು ಕೆಲಸ ಮಾಡಿ, ತಾತ್ವಿಕವಾಗಿ ಏಳು ಸಾವಿರ ವರ್ಷ ಬದುಕಿ ಹೋದ ಮನುಷ್ಯನ ಕುರಿತಂತೆ ರೋಹಿತ್ ಇಲ್ಲಿ ಕಟ್ಟಿಕೊಡುತ್ತಾರೆ. ಇವರ ಜೊತೆ ಜೊತೆಗೆ ಖರಸೇಟ್ಜಿ, ಟಾ, ರೋನಾಲ್ಡ್, ರಾಮಾನುಜನ್, ಸತ್ಯೇನ್ ಬೋಸ್...ಹೀಗೆ ಈ ಜಗತ್ತಿನಲ್ಲಿ ದೊಡ್ಡ ದೊಡ್ಡ ಸಾಧನೆಯನ್ನು ಮಾಡಿ, ವಯಸ್ಸನ್ನು ಮೀರಿ ಬದುಕಿದವರ ಕುರಿತಂತೆ ಚಕ್ರತೀರ್ಥ ಅವರು ಹೃದಯಸ್ಪರ್ಶಿಯಾಗಿ ಕಟ್ಟಿಕೊಡುತ್ತಾರೆ. ಇವರೆಲ್ಲರ ಬದುಕು ಓದುಗನಲ್ಲಿ ಬದುಕುವ ಸ್ಫೂರ್ತಿಯೊಂದು ಬಿತ್ತುವುದರಲ್ಲಿ ಅನುಮಾನವಿಲ್ಲ.
ನವಕರ್ನಾಟಕ ಪ್ರಕಾಶನ(ದೂರವಾಣಿ-22203580) ಹೊರತಂದಿರುವ ಕೃತಿಯ ಮುಖಬೆಲೆ 70 ರೂ.
------------
ಪ್ರಕೃತಿ ಎಂಬ ಅದ್ಭುತ 

ನ್ಯಾಶನಲ್ ಜಿಯೋಗ್ರಫಿ ಎನ್ನುವ ಅದ್ಭುತ ಚಾನೆಲ್‌ನ್ನು ಪ್ರೀತಿಸದವರಿಲ್ಲ. ಜಗತ್ತನ್ನು, ಪ್ರಕೃತಿಯನ್ನು, ಪ್ರಾಣಿ, ಪಕ್ಷಿಗಳನ್ನು ಆ ಚಾನೆಲ್ ಹೃದಯಸ್ಪರ್ಶಿಯಾಗಿ ಮನುಷ್ಯನ ಮುಂದಿಟ್ಟಿದೆ. ಅಂತಹದೊಂದು ಚಾನೆಲ್‌ನಿಂದ ಸ್ಫೂರ್ತಿ ಪಡೆದವರಂತೆ, ರೋಹಿತ್ ಚಕ್ರತೀರ್ಥ ‘ದೇವ ಕೀಟದ ರತಿ ರಹಸ್ಯ’ ಎನ್ನುವ ಪುಟ್ಟ ಕೃತಿಯೊಂದನ್ನು ರಚಿಸಿದ್ದಾರೆ. ಜನಪ್ರಿಯ ವಿಜ್ಞಾನ ಲೇಖನಗಳ ಸರಮಾಲೆಗಳಲ್ಲಿ ಈ ಕೃತಿಯೂ ಒಂದು. ನಿಸರ್ಗದ ಸೌಂದರ್ಯದಿಂದ ವಂಚಿತನಾಗುತ್ತಾ, ಹೆಚ್ಚು ಹೆಚ್ಚು ಒಂಟಿಯಾಗಿ ಬದುಕುವುದೇ ಸದ್ಯಕ್ಕೆ ನಾಗರಿಕತೆಯ ಲಕ್ಷಣಗಳೆಂದು ನಾವು ಭಾವಿಸಿದ್ದೇವೆ. ಇಂತಹ ಸಂದರ್ಭದಲ್ಲಿ ಪರಿಸರದ ಅದ್ಭುತಗಳನ್ನು, ಸೌಂದರ್ಯವನ್ನು ತನ್ನ ನವಿರಾದ ಭಾಷೆಯಲ್ಲಿ ಕಟ್ಟಿಕೊಟ್ಟಿದ್ದಾರೆ ಲೇಖಕರು. ಬೆಂಕಿಯೊಳಗೆ ವೀರಾಗ್ರಣಿಯಂತೆ ನುಗ್ಗುವ ರೋಬೊಟ್ ನೊಣ, ಮನುಷ್ಯರ ಆರೋಗ್ಯಕ್ಕಾಗಿ ಪ್ರಾಣ ತ್ಯಾಗ ಮಾಡುವ ಇಲಿಗಳು, ಕ್ಯಾನ್ಸರಿಗೆ ಸೆಡ್ಡು ಹೊಡೆವ ಹೆಗ್ಗಣ, ಸ್ತ್ರೀಲೋಲನನ್ನೇ ಆರಿಸುವ ಬಿನ್ನಾಣಗಿತ್ತಿ ಹೆಂಗಪ್ಸಿ, ಡೋಡೋ ಎಂಬ ಮೊದ್ದು ಹಕ್ಕಿ ನಾಶವಾದ ಬೆನ್ನಿಗೇ ಸರ್ವನಾಶವಾದ ಕ್ಯಾಲ್ವರಿ ವೃಕ್ಷ....ಹೀಗೆ ಪ್ರಕೃತಿಯ ಚೋದ್ಯಗಳನ್ನು ಮೊಗೆದು ಕೊಡುತ್ತದೆ ಈ ಪುಸ್ತಕ. ಒಂದಕ್ಕಿಂತ ಒಂದು ಸ್ವಾರಸ್ಯಕರವಾದ ಬರಗಳು ಇಲ್ಲಿವೆ. ಪ್ರಕೃತಿಯೊಳಗಿನ ಜೀವಿಗಳು ನಮಗಿಂತಲೂ ಹೆಚ್ಚು ಅದ್ಭುತ, ಆಧುನಿಕವಾಗಿರುವ, ಸಂವೇದನಾಶೀಲವಾಗಿರುವ ಅಂಶವನ್ನು ರೋಹಿತ್ ಕಟ್ಟಿಕೊಡುತ್ತಾರೆ.
ನವಕರ್ನಾಟಕ ಪ್ರಕಾಶನ ಹೊರತಂದಿರುವ ಈ ಕೃತಿ ಮುಖಬೆಲೆ 55 ರೂ.

Sunday, December 15, 2013

ISON Comet - Two Books Introduced in Janamitra Daily of Hassan 14 Dec 2013

ISON Comet - Two Books Introduced in Janamitra Daily of Hassan 14 Dec 2013
http://janamitra.epapertoday.com/

ಐಸಾನ್ ಧೂಮಕೇತು ಚದುರಿಹೋಗಿದೆ!


    ಐಸಾನ್ ಧೂಮಕೇತು ಇದೇ 2013ರ ನವೆಂಬರ್ 28 ರಿಂದ 2014ರ ಜನವರಿ ಎರಡನೇ ವಾರದವರೆಗೆ ಮುಂಜಾನೆ ಮತ್ತು ಸಂಜೆ ಆಗಸದಲ್ಲಿ ಪ್ರಕಾಶಮಾನವಾಗಿ ಕಾಣಿಸುತ್ತಲಿದೆ ಎಂಬ ವರದಿ ಈಗ ಸುಳ್ಳಾಗಿದೆ.  ಇದೇ ನವೆಂಬರ್ 29 ರಂದು ಸೂರ್ಯನಿಗೆ 7,50,000 ಕಿಲೋಮೀಟರ್ಗಳಷ್ಟು ಹತ್ತಿರದಲ್ಲಿ ಹಾದುಹೋಗುವಾಗ ಪುರರವಿ ಬಿಂದು (ಪೆರಿಹೀಲಿಯನ್ ಪಾಯಿಂಟ್) ತಲುಪುವು ಸಂದರ್ಭದಲ್ಲಿ ಇದ್ದಕ್ಕಿದ್ದಂತೆ ಸಿಡಿದು, ಕರಗಿ, ಸಣ್ಣ ಸಣ್ಣ ತುಣುಕುಗಳಾಗಿ ಚದುರಿ, ದೂರ ಹೋಗಿದೆ.  ಇದೀಗ ಅದರ ಫೋಟೋಗಳು ಮತ್ತು ವೀಡಿಯೋ ತುಣುಕುಗಳು ಅಂತರಜಾಲದಲ್ಲಿ ಹರಿದಾಡುತ್ತಿವೆ.  ನಾಸಾ ಮತ್ತು ಇತರ ಬಾಹ್ಯಾಕಾಶ ಸಂಸ್ಥೆಗಳು ಉಪಗ್ರಹಗಳ ಮೂಲಕ ಸಂಗ್ರಹಿಸಿದ ಚಿತ್ರಗಳನ್ನು, ವೀಡಿಯೋಗಳನ್ನು ತಮ್ಮ ಜಾಲತಾಣಗಳಲ್ಲಿ ಹರಿಯಬಿಟ್ಟಿದ್ದಾರೆ. ಬಾಹ್ಯಾಕಾಶ ವಿಜ್ಞಾನ ಆಸಕ್ತರೆಲ್ಲಾ ತಮ್ಮ ಕಣ್ಣುಗಳನ್ನು ಆಗಸದತ್ತ ನೆಟ್ಟು ಹುಡುಕಾಡಿದ್ದರು.  ಹಾಸನದಲ್ಲಿಯೂ ಭಾರತೀಯ ಜ್ಞಾನ ವಿಜ್ಞಾನ ಸಮಿತಿಯ ಸದಸ್ಯರು ಜನರಿಗೆ ಆಸಕ್ತಿ ಮೂಡಿಸಿ, ಬೆಳಗಿನ ಜಾವವೇ ಆಗಸದಲ್ಲಿ ಗ್ರಹ-ತಾರೆಗಳನ್ನು ತೋರಿಸಲು, ಧೂಮಕೇತು ವೀಕ್ಷಿಸಲು ಕಾರ್ಯಕ್ರಮ ಹಾಕಿಕೊಂಡು ಯಶಸ್ವಿಯಾಗಿತ್ತು.  ಈಗಲೂ ಅದರ ಚಿತ್ರಗಳನ್ನು ನೋಡಲು ಈ ಜಾಲತಾಣಗಳನ್ನು ಭೇಟಿಮಾಡಿರಿ:

http://www.huffingtonpost.co.uk/2013/12/11/comet-ison-explanation-video_n_4423780.html?utm_hp_ref=fb&src=sp&comm_ref=false
<http://www.dailymail.co.uk/sciencetech/article-2521928/RIP-Comet-ISON-Scientists-finally-declare-comet-century-dead.html>






                       
ಕೃತಿ ಪರಿಚಯ : ಬೇದ್ರೆ ಮಂಜುನಾಥ, ಹಾಸನ
 ಬೇದ್ರೆ ಪ್ರತಿಷ್ಠಾನ - ಅನೌಪಚಾರಿಕ ಶಿಕ್ಷಣ, ಸಂಶೋಧನೆ ಮತ್ತು ತರಬೇತಿ ಕೇಂದ್ರ, ಚಿತ್ರದುರ್ಗ
ಸಂಪರ್ಕ ವಿಳಾಸ : ಕಾರ್ಯಕ್ರಮ ನಿವರ್ಾಹಕರು, ಆಕಾಶವಾಣಿ, ಹಾಸನ - 573 201  ಫೋ: 9448589089

 

Saturday, December 7, 2013

Easy English 20 Words a Day - Article in Shikshana Shilpi Monthly of Dec 2013




Easy English 20 Words a Day - Article in Shikshana Shilpi Monthly of Dec 2013
Easy English Ready Steady Go... published by Navakarnataka Publications
Thank you Editors

Kannada Kalike Malike of Thiru Srinivasachar Gopal published by Navakarnataka Publications - Book Introduction in Shikshana Shilpi Monthly of Dec 2013





Kannada Kalike Malike of  Thiru Srinivasachar Gopal published by Navakarnataka Publications - Book Introduction in Shikshana Shilpi Monthly of Dec 2013
Thank you Editors

Kannada Kalike Malike of T S Gopal published by Navakarnataka Publications - Book Introduction in Jeevana Shikshana Monthly Dec 2013





Kannada Kalike Malike of T S Gopal published by Navakarnataka Publications - Book Introduction in Jeevana Shikshana Monthly Dec 2013Thank you Editors

Saturday, November 30, 2013

ಜೀವಂತ ಭಾಷೆಯಲ್ಲಿ ಜನಪ್ರಿಯ ವಿಜ್ಞಾನ

ಗುಜರಿ ಅಂಗಡಿ

Saturday, November 30, 2013

http://gujariangadi.blogspot.in/2013/11/blog-post_30.html

ಜೀವಂತ ಭಾಷೆಯಲ್ಲಿ ಜನಪ್ರಿಯ ವಿಜ್ಞಾನ

ಸಾಹಿತ್ಯೇತರವಾದ ವಿಜ್ಞಾನ, ತಂತ್ರಜ್ಞಾನ, ಆರೋಗ್ಯ ಇತ್ಯಾದಿಗಳ ಸಮ್ಮಿಳಿತ ಬರಹಗಳ ಸಂಗ್ರಹ ‘ಮನಸ್ಸುಗಳ ನಡುವೆ ಪುಷ್ಪಕ ವಿಮಾನ’. ವಿಜ್ಞಾನವನ್ನು ಅತ್ಯಂತ ಸರಳವಾಗಿ, ಕುತೂಹಲಕರವಾಗಿ ತೆರೆದಿಟ್ಟಿದ್ದಾರೆ ಲೇಖಕ ರೋಹಿತ್ ಚಕ್ರತೀರ್ಥ. ಜನಪ್ರಿಯ ವಿಜ್ಞಾನಗಳನ್ನು ಜನರ ಬಳಿಗೆ ತಲುಪಿಸುವ ಒಂದು ಅತ್ಯುತ್ತಮ ಪ್ರಯತ್ನವಿದು. ಕನ್ನಡದಲ್ಲಿ ಇಂತಹ ಬರಹಗಳು ತೀರಾ ಅಪರೂಪವಾಗುತ್ತಿವೆ. ಇಂತಹ ವಸ್ತುಗಳು ಒಣಗಿದ ವಿಜ್ಞಾನ ಭಾಷೆಯಲ್ಲಿ ಪ್ರಕಟವಾಗುವುದೇ ಜಾಸ್ತಿ. ಹೀಗಿರುವಾಗ, ರೋಹಿತ್, ತಮ್ಮ ಸರಳ ಜೀವಂತ ಭಾಷೆಯಲ್ಲಿ ವಿಜ್ಞಾನವನ್ನು ಕುತೂಹಲಕರವಾಗಿ ನಿರೂಪಿಸಿದ್ದಾರೆ. 

ವಿಷಯವೈವಿಧ್ಯಗಳೇ ಇಲ್ಲಿವೆ. ಕನ್ನಡದಲ್ಲಿ ವಿಜ್ಞಾನ ಪತ್ರಿಕೆಗಳ ಕುರಿತಂತೆ ಆರಂಭಗೊಳ್ಳುವ ಕೃತಿ, ರೋಬೋಟಿಗೆ ಕಾಮನ್ ಸೆನ್ಸ್ ಬರುವುದು ಯಾವಾಗ ಎನ್ನುವವರೆಗೆ ೆ ವಿಜ್ಞಾನ, ತಂತ್ರಜ್ಞಾನ, ಆರೋಗ್ಯಗಳಿಗೆ ಸಂಬಂಧ ಪಟ್ಟ ವಿಷಯಗಳನ್ನು ಸರಳವಾಗಿ ಮುಂದಿಟ್ಟಿದ್ದಾರೆ. ‘ಸೌರಶಕ್ತಿಗೆ ನಮೋ ಎನ್ನಿ’ ಕೃತಿಯಲ್ಲಿ ವಿದ್ಯುತ್‌ಗೆ ಹೇಗೆ ಪರ್ಯಾಯವಾಗಿ ಸೌರಶಕ್ತಿಯನ್ನು ಸದುಪಯೋಗ ಪಡಿಸಿಕೊಳ್ಳಬಹುದು ಮತ್ತು ಅದರ ಲಾಭಗಳ ಕುರಿತಂತೆ ಬರೆಯುತ್ತಾರೆ. ಪೂರ್ಣ ಚಂದಿರ ರಜೆ ಹಾಕಿದರೆ ಹೇಗಿರುತ್ತದೆ? ಎನ್ನುವ ಲೇಖನ, ಚಂದ್ರನ ಬೆಳಕಿನ ಮಹತ್ವವನ್ನು ತೆರೆದಿಡುತ್ತದೆ. ಚಂದ್ರ ರಹಿತ ರಾತ್ರಿಗಳ ಪರಿಣಾಮಗಳ ಕುರಿತಂತೆ ವಿವರಿಸುವ ಲೇಖನ ಇದು. ಗುರುವಿನ ಗುಲಾಮಳ ಕತೆಯನ್ನು ಹೇಳುವ ರೋಹಿತ್, ಗುರುಗ್ರಹದ ಸುತ್ತಮುತ್ತಲಿನ ಪರಿಸರವನ್ನು ತೆರೆದಿಡುತ್ತಾರೆ. ವಿಜ್ಞಾನ, ತಂತ್ರಜ್ಞಾನಗಳನ್ನು ವ್ಯಂಗ್ಯ, ತಮಾಷೆ ಹಾಗೂ ಹೃದ್ಯವಾಗಿ ಹೇಳುವ ಕಲೆ ರೋಹಿತ್‌ಗೆ ಸಿದ್ದಿಸಿದೆ. ಇದು ಕೃತಿಯ ಹೆಗ್ಗಳಿಕೆಯೂ ಹೌದು. ತೀರಾ ಭಾರವಾಗುವಂತಹ ಯಾವ ಲೇಖನಗಳೂ ಇಲ್ಲಿಲ್ಲ. ಪುಟ್ಟ ಪುಟ್ಟ ಲೇಖನಗಳು ದೊಡ್ಡ ದೊಡ್ಡ ಚೋದ್ಯಗಳನ್ನು ನಿಮ್ಮ ಮುಂದೆ ಬಿಡಿಸಿಡುತ್ತದೆ. ನವಕರ್ನಾಟಕ ಪ್ರಕಾಶನ ಹೊರತಂದಿರುವ ಕೃತಿಯ ಮುಖಬೆಲೆ 65 ರೂಪಾಯಿ.

Tuesday, November 26, 2013

Press Report on Navakarnataka Book Launch Session held on 24 Nov 2013

Report in Prajavani Daily 25 Nov 2013




Report in Vijayakarnataka Daily 25 Nov 2013


Report in Vijayakavani Daily 25 Nov 2013 
 
Press Report on Navakarnataka Book Launch Session held on 24 Nov 2013

Sunday, November 24, 2013

Navakarnataka Publications Book Launch Session - 24 Nov 2013


Navakarnataka Publications Book Launch Session - 24 Nov 2013

http://epapervijayavani.in/epaperimages/24112013/24112013-md-hr-25/152214484.JPG

Thursday, November 21, 2013

ನಮ್ಮ ಮುಂಬರುವ ಪುಸ್ತಕಗಳ ಮುಖಪುಟಗಳು









Easy English through Mobile Phones and Apps - Article in Prajavani Daily - Shikshana Supplement - 18 Nov 2013



  

ಇಂಗ್ಲಿಷ್ ಕಲಿಕೆ ಬೆರಳ ತುದಿಯಲ್ಲಿ!


ಇಂಗ್ಲಿಷ್‌ ಭಾಷೆ ಮಾತನಾಡಲು ಮತ್ತು ಬರೆಯುವುದನ್ನು ಕಲಿಯಲು ಖಾಸಗಿ ತರಗತಿಗಳಿಗೇ ಸೇರಬೇಕೆಂದೇನೂ ಇಲ್ಲ. ಮನಸ್ಸು ಮಾಡಿದರೆ, ನಾವು ದಿನನಿತ್ಯ ಬಳಸುವ ಮೊಬೈಲ್‌, ಟಿ.ವಿ., ಇಂಟರ್‌ನೆಟ್‌ಗಳ ಮೂಲಕವೇ ಸ್ವಂತ ‘ಲ್ಯಾಂಗ್ವೇಜ್‌ ಲ್ಯಾಬ್‌’ ರಚಿಸಿಕೊಂಡು ಭಾಷೆಯನ್ನು ಸಿದ್ಧಿಸಿಕೊಳ್ಳಬಹುದು.
ಸಾವಿರಾರು ರೂಪಾಯಿ ಶುಲ್ಕ ಕೊಟ್ಟು ‘ಸ್ಪೋಕನ್ ಇಂಗ್ಲಿಷ್’ ತರಗತಿಗಳಿಗೆ ಸೇರಿ, ಇಂಗ್ಲಿಷ್‌ ಕಾನ್‌ವರ್ಸೇಷನ್‌, ಸ್ಪೋಕನ್‌ ಇಂಗ್ಲಿಷ್‌, ಇಂಗ್ಲಿಷ್‌ ಸ್ಪೀಕಿಂಗ್‌,  ಕಾನ್‌ವರ್ಸೇಷನಲ್‌ ಇಂಗ್ಲಿಷ್‌, ಸಾಫ್ಟ್‌ಸ್ಕಿಲ್ ಟ್ರೈನಿಂಗ್ ಎಂದೆಲ್ಲ ಉಠಾಬೈಸ್ ತೆಗೆಯುತ್ತಿರುವ ಕನ್ನಡದ ಇಂಗ್ಲಿಷ್ ಪ್ರೇಮಿಗಳಿಗೆ, ತಮ್ಮ ಬೆರಳ ತುದಿಯಲ್ಲೇ ಇಂಗ್ಲಿಷ್‌ ಕಲಿಕೆಯ ಸಾಧನಗಳಿವೆ ಎಂಬುದು ಅರಿವಿಗೇ ಬರುತ್ತಿಲ್ಲ!
ತಮ್ಮ ಕಿಸೆಯಲ್ಲೇ ಇರುವ ಮೊಬೈಲ್ ಫೋನ್, ಮನೆಯಲ್ಲಿರುವ ರೇಡಿಯೊ, ಟಿ.ವಿ., ಡಿ.ವಿ.ಡಿ., ಎಂಪಿತ್ರೀ ಪ್ಲೇಯರ್, ಕಂಪ್ಯೂಟರ್, ಇಂಟರ್‌ನೆಟ್‌­ಗಳನ್ನೇ ಬಳಸಿ ಸ್ವಂತ ‘ಲ್ಯಾಂಗ್ವೇಜ್ ಲ್ಯಾಬ್’ ಮಾಡಿಕೊಂಡು, ಇಂಗ್ಲಿಷ್ ಕಲಿಯಲು ಅವರು ಯಾಕೆ ಮನಸ್ಸು ಮಾಡುತ್ತಿಲ್ಲವೋ ಆ ದೇವರೇ ಬಲ್ಲ.
ಹಲೊ ‘ಟಾಕಿಂಗ್ ಟಾಮ್’!
‘ಗುಡ್‌ ಈವ್ನಿಂಗ್‌ ಸರ್‌, ಏನ್‌ ಸರ್ ನೀವೂ ಮಕ್ಕಳ ತರಾ ಮೊಬೈಲ್‌ನಲ್ಲಿ ‘ಟಾಕಿಂಗ್‌ ಟಾಮ್‌’ ಜೊತೆ ಆಟ ಆಡ್ತಾ ಇದ್ದೀರಾ?  ಒಂದ್ ಸಲ ನಮ್‌ ಕೈಗೆ ಅದನ್ನ ಕೊಡಿ, ಆ ಟಾಕಿಂಗ್‌ ಟಾಮ್‌ ಗತಿ ಏನಾಗುತ್ತೆ ಅಂತ ನೋಡ್ತೀರಂತೆ’ ಎಂದು ಸಮರ್ಥ ಹೇಳಿದ.
‘ಕೊಡಿ ಸರ್ ಪ್ಲೀಸ್! ನಾವೂ ಸ್ವಲ್ಪ ಹೊತ್ತು ಅದರ ಜೊತೆ ಆಡಿ ಕೊಡ್ತೀವಿ’ ಅಂತ ಅವನ ಸ್ನೇಹಿತರ ಗುಂಪು ಒಕ್ಕೊರಲಿನಿಂದ ಕೂಗಿತು. ‘ಓ.ಕೆ., ಓ.ಕೆ. ತಗೊಳ್ಳಿ ಕೊಡ್ತೇನೆ. ಅದರ ಜೊತೆ ಅದೇನೇನ್ ಮಾಡ್ತೀರೋ ಅದನ್ನ ನನಗೂ ತೋರಿಸಬೇಕು ಆಯ್ತಾ’ ಎಂದು ಹೇಳಿ ಪ್ರೊ. ಛಾಯಾಪತಿ ಅವರು ಸಮರ್ಥನ ಕೈಗೆ ತಮ್ಮ ಹೊಸ ಆಂಡ್ರಾಯ್ಡ ಫೋನ್ ಕೊಟ್ಟರು.
‘ಎಲ್ಲಿ, ಯಾರಾದ್ರೂ ಇದಕ್ಕೆ ಸ್ವಲ್ಪ ತಮಾಷೆಯಾಗಿ ಬೈಯಿರಿ ನೋಡೋಣ’ ಎಂದು  ಹೇಳಿ ಪ್ರಜ್ವಲ್ ಮೊಬೈಲ್‌ನಲ್ಲಿದ್ದ ‘ಟಾಕಿಂಗ್‌ ಟಾಮ್‌’ನ್ನು ಆ್ಯಕ್ಟಿವೇಟ್ ಮಾಡಿದ. ‘ಯೂ ಈಡಿಯಟ್‌’ ಅಂತ ಶೋಭಿತ್ ಬೈಯ್ದ. ‘ಟಾಕಿಂಗ್‌ ಟಾಮ್‌’ ಸಹ ಕೂಡಲೇ ‘ಯೂ ಈಡಿಯಟ್‌’ ಎಂದು ತಿರುಗಿಸಿ ಬೈಯ್ದುಬಿಟ್ಟಿತು. ಸ್ನೇಹಿತರೆಲ್ಲ ಘೊಳ್ ಎಂದು  ನಗತೊಡಗಿದರು. ‘ಹಲೊ, ಹೌ ಆರ್‌ ಯೂ’ ಎಂದು ಧ್ರುತಿ ಭಟ್ ಕೇಳಿದಳು. ‘ಟಾಕಿಂಗ್‌ ಟಾಮ್‌’ ಅವಳಿಗೂ ತಿರುಗಿ ಹಾಗೇ ಕೇಳಿತು. ‘ಹಾಯ್‌, ಹ್ಯಾಡ್‌ ಯುವರ್‌ ಮೀಲ್ಸ’ ಸಹನಾ ಪ್ರಶ್ನಿಸಿದಳು. ‘ಟಾಕಿಂಗ್‌ ಟಾಮ್‌’ ಸಹ ಅವಳಿಗೂ ಮರಳಿ ಅದೇ ಪ್ರಶ್ನೆ ಕೇಳಿತು.
ಹೀಗೆ ‘ಟಾಕಿಂಗ್ ಟಾಮ್’ ಜೊತೆಗಿನ ಮಕ್ಕಳ ಆಟ ಮುಂದುವರಿಯುತ್ತಲೇ ಇತ್ತು ಛಾಯಾಪತಿಯವರ ಅಧ್ಯಯನ ಕೋಣೆ- ಕಂ- ಮೊಬೈಲ್ ಲ್ಯಾಂಗ್ವೇಜ್ ಲ್ಯಾಬ್‌­ನಲ್ಲಿ. ಮಕ್ಕಳಂತೆಯೇ ಹೀಗೆ ಕಲಿಯುವುದು ಎಷ್ಟು ಸುಲಭ, ಸರಳ, ಪರಿಣಾಮಕಾರಿ ಅಲ್ಲವೇ?
ಆ್ಯಪ್ಸ್ ಬಳಸಿ ಸುಲಭವಾಗಿ ಕಲಿಸಿ
ಇತ್ತೀಚೆಗೆ ಗೂಗಲ್ ಪ್ಲೇ ಸ್ಟೋರ್, ಸ್ಯಾಮ್ಸಂಗ್, ನೋಕಿಯಾ, ಮೈಕ್ರ್ೊಮ್ಯಾಕ್ಸ್, ಆ್ಯಪಲ್ ಇತ್ಯಾದಿ ಜಾಲತಾಣಗಳಲ್ಲಿ ಲಕ್ಷಾಂತರ ಆ್ಯಪ್ಸ್‌ಗಳು (ಅಪ್ಲಿಕೇಶನ್‌ಗಳು) ಲಭ್ಯವಿವೆ. ವಿದ್ಯಾರ್ಥಿಗಳು ಮತ್ತು ಶಿಕ್ಷಕರ ಉಪಯೋಗಕ್ಕಾಗಿ ಉಚಿತ ಡಿಕ್ಷ್‌ನರಿಗಳು, ಸ್ಪೋಕನ್ ಇಂಗ್ಲಿಷ್ ಮಾದರಿಗಳು, ಭಾರತೀಯ ಭಾಷೆಗಳ ಪದಕೋಶಗಳು, ವಿಶ್ವಕೋಶ, ಯೂ- ಟ್ಯೂಬ್, ವರ್ಚುಯಲ್ ಲ್ಯಾಬ್, ಗ್ಲೋಬ್,  ಟ್ರಾನ್ಸ್‌ಲೇಶನ್ ಸೌಲಭ್ಯ, ಆಡಿಯೊ-– ವಿಡಿಯೊ ಚಿತ್ರಣ, ವೆಬ್ ಬ್ರೌಸಿಂಗ್‌ನಂತಹ ಸೌಲಭ್ಯಗಳು ಕಲಿಕೆಯನ್ನು ಆಸಕ್ತಿದಾಯಕ ಆಗಿಸಿವೆ.
ಇವುಗಳನ್ನು ಮೊಬೈಲ್ ಇಲ್ಲವೇ ಐಪ್ಯಾಡ್/ ನೋಟ್‌­ಪ್ಯಾಡ್‌ಗಳಲ್ಲಿ ಡೌನ್‌ಲೋಡ್ ಮಾಡಿ­ಕೊಂಡು ನಮ್ಮ ಅಗತ್ಯಕ್ಕೆ ತಕ್ಕಂತೆ ಬಳಸಿಕೊಳ್ಳಬಹುದು. ಮುದ್ರಿತ ಪುಸ್ತಕಗಳು ಮತ್ತು ಪದಕೋಶಗಳಿಗಿಂತ ಇ-– ಬುಕ್ ಹಾಗೂ ಇ-– ಡಿಕ್ಷ್‌ನರಿಗಳು ಜನಪ್ರಿಯವಾಗುತ್ತಿದ್ದು, ಥಟ್ ಎಂದು ಬಳಸಲು ಅನುಕೂಲಕರವಾಗಿವೆ. ಹೆಚ್ಚಿನ ವಿವರಗಳಿಗೆ ಗಮನಿಸಿ:
https://play.google.com/store/apps/category/ EDUCATION
www.nokia.com/in-en/apps/
http://apps.samsung.com/mercury/topApps
ಬರೆದು ನೋಡಿ
‘ಸರ್, ಸರ್, ಲೆಟರ್ ರೈಟಿಂಗ್ ಹೇಳ್ಕೊಡಿ ಸರ್ ಪ್ಲೀಸ್‌.  ಈ ತಿಂಗಳ ಟೆಸ್ಟ್‌ನಲ್ಲಿ ಲೆಟರ್ ರೈಟಿಂಗ್ ಕೊಡ್ತಾರಂತೆ’ ಎಂದು ಕೇಳಿದ ರಕ್ಷಿತ್.
‘ಅಲ್ಲಯ್ಯ, ನಿಮ್ ಟೀಚರ್ ಯಾವ ಜಮಾನಾದಲ್ಲಿ­ದ್ದಾರೆ ಇನ್ನೂ. ಲೆಟರ್ ರೈಟಿಂಗ್ ಬರೀ ಪರೀಕ್ಷೆಗೆ ಮಾತ್ರ ಕೇಳೋ ಪ್ರಶ್ನೆ ಥರಾ ಮಾಡಿಬಿಟ್ಟಿದ್ದಾರೆ ಇವ್ರೆಲ್ಲ. ಇದು ಇ–- ಮೇಲ್, ಎಸ್.ಎಂ.ಎಸ್., ಟ್ವಿಟರ್ ಬಳಕೆ­ಯಾಗ್ತಿರೋ ಕಾಲ.  ಇದ­ರಲ್ಲಿ ಅವರದ್ದೇನೂ ತಪ್ಪಿಲ್ಲ ಬಿಡು, ಸಿಲೆಬಸ್‌ನಲ್ಲಿ ಇದೆ ಅಂತ ಹೇಳಿಕೊಡ್ತಾರೆ’ ಎಂದು ಪ್ರೀತಿಯಿಂದಲೇ ಟೀಕಿಸಿದರು ಛಾಯಾಪತಿ.
ಪತ್ರ ಲೇಖನ, ಪ್ರಬಂಧ, ನಿಬಂಧಗಳೆಲ್ಲ ದೀರ್ಘ ಅಭ್ಯಾಸಗಳೆಂದು ಪರಿಗಣಿತವಾಗಿ, ಎಸ್.ಎಂ.ಎಸ್., ಚಾಟಿಂಗ್, ಇ-– ಮೇಲ್ ಭರಾಟೆ ಆರಂಭ ಆಗಿರುವು­ದರಿಂದ ಮೊಬೈಲ್, ಇಂಟರ್‌ನೆಟ್‌, ಫೇಸ್‌ಬುಕ್ ಮತ್ತು ಬ್ಲಾಗ್‌ಗಳ ಮೂಲಕ ತೋಚಿದ್ದನ್ನು ಗೀಚಿ (ಟೈಪ್ ಮಾಡಿ) ಕಲಿಯುವ ಅವಕಾಶ ಇದೆ.
ಬಹುತೇಕ ಮಕ್ಕಳು ಈಗ ಹೇಗೋ ಮಾಡಿ ಇ-– ಮೇಲ್ ಐ.ಡಿ. ಬಳಸುತ್ತಿದ್ದಾರೆ. ಫೇಸ್‌ಬುಕ್‌ನಲ್ಲಿ ತಮ್ಮ ಅಕೌಂಟ್ ತೆರೆದು ಸ್ನೇಹಿತರೊಂದಿಗೆ ಸಂಭಾ­ಷಣೆ, ಮಾಹಿತಿ ವಿನಿಮಯ ಮಾಡಿಕೊಳ್ಳುತ್ತಿದ್ದಾರೆ. ಬ್ಲಾಗ್ ಓಪನ್ ಮಾಡಿ ತಮಗೆ ಇಷ್ಟವಾದ ಮಾಹಿತಿ, ಫೋಟೊಗಳನ್ನು ಪ್ರಕಟಿಸುತ್ತಿದ್ದಾರೆ. ಜಗತ್ತಿನ ಮುಂದುವರಿದ ರಾಷ್ಟ್ರಗಳ ಸಾಲಿನಲ್ಲಿ ಭಾರತವನ್ನೂ ನಿಲ್ಲಿಸುತ್ತಿದ್ದಾರೆ. ಇದಕ್ಕಿಂತ ಸುಲಭವಾದ, ಪ್ರಾಕ್ಟಿಕಲ್ ಆಗಿ ಕಲಿಯುವ ವಿಧಾನ ಬೇರೆ ಯಾವುದಿದೆ ಹೇಳಿ?
ಕಾಲಕ್ಕೆ ತಕ್ಕಂತೆ ಹಿರಿಯ­ರಾದ ನಾವೂ ಬದಲಾಗಲೇ ಬೇಕು. ಕಂಪ್ಯೂಟರ್ ಗೊತ್ತಿಲ್ಲ, ಬ್ರೌಸಿಂಗ್ ಬರೋಲ್ಲ, ಸೌಲಭ್ಯ ಇಲ್ಲ ಎಂದು ಕೊರಗುತ್ತಾ ಕೂರದೆ ಹೊಸ ಸವಾಲನ್ನು ಎದುರಿಸಲು ಸಿದ್ಧರಾಗಲೇಬೇಕು.
ಕೌಶಲ ಕಲಿಸುವ ಸಾಧನ
ಭಾಷೆಯೊಂದನ್ನು ಕಲಿಯುವುದಕ್ಕೆ ಇರುವ ಕೌಶಲಗಳೆಂದರೆ ಆಲಿಸುವುದು, ಮಾತನಾಡುವುದು, ಓದುವುದು ಮತ್ತು ಬರೆಯುವುದು. ಕನ್ನಡ, ಸಂಸ್ಕೃತ, ಹಿಂದಿ ಅಥವಾ ಇಂಗ್ಲಿಷ್ ಭಾಷೆಯನ್ನು ಕಲಿಯಲು ನಮಗೆ ಈ ನಾಲ್ಕು ಕೌಶಲಗಳನ್ನು ನಮ್ಮದನ್ನಾಗಿ ಮಾಡಿಕೊಳ್ಳಬೇಕಾದ ಅನಿವಾರ್ಯತೆ ಇದೆ.
ಮೊಬೈಲ್ ಸಂಭಾಷಣೆಯಲ್ಲಿ, ಟಿ.ವಿ./ ರೇಡಿಯೊ/ ಇಂಟರ್‌ನೆಟ್ ಕಾರ್ಯಕ್ರಮಗಳಲ್ಲಿ ಆಲಿಸುವ ಮತ್ತು ಮಾತನಾಡುವ ಕೌಶಲವನ್ನು ಕಲಿಯುವ ಅವಕಾಶ ಇದೆ. ಓದಲಿಕ್ಕೆ ಕಂಪ್ಯೂಟರ್ ಮತ್ತು ಪತ್ರಿಕೆಗಳಿವೆ. ಬರೆಯ­ಲಿಕ್ಕೆ ಎಸ್.ಎಂ.ಎಸ್., ಇ- ಮೇಲ್, ಚಾಟಿಂಗ್‌­ಗಳಿವೆ! ಇತ್ತೀಚಿನ ಆಂಡ್ರಾಯ್ಡ ಮೊಬೈಲ್‌ಗಳಲ್ಲಿ ನೂರಾರು ಆ್ಯಪ್‌ಗಳಿದ್ದು ಡಿಕ್ಷನರಿ, ಚಾಟಿಂಗ್‌, ಗ್ರಾಮರ್‌, ಇ– ಬುಕ್, ಪ್ಲೇ– ಬುಕ್‌ಗಳ ಮೂಲಕ ಇಂಗ್ಲಿಷ್‌ ಕಲಿಸುವ ಮಾಹಿತಿ ಭಂಡಾರವೇ ಅಡಗಿದೆ.
ಓದಿ, ಓದಿಸಿ, ಕಲಿಯಿರಿ
ಓದುವುದನ್ನು ಅಥವಾ ಮಾತನಾಡುವು­ದನ್ನು ಧ್ವನಿ ಮುದ್ರಿಸಿಕೊಳ್ಳಲು ಮೊಬೈಲ್ ಮತ್ತು ಕಂಪ್ಯೂಟರ್‌­ಗಳಲ್ಲಿ ಸೌಲಭ್ಯಗಳಿವೆ.  ಒಂದೇ ಒಂದು ನಿಮಿಷ ನೀವು ಓದುವುದನ್ನು ಧ್ವನಿ ಮುದ್ರಿಸಿಕೊಳ್ಳಿ. ಓದುವ ವಿಷಯ ನಿಮ್ಮ ತರಗತಿಗೆ ಸಂಬಂಧಿಸಿದ ಪಾಠ, ಇಲ್ಲವೇ ಯಾವುದೇ ದಿನಪತ್ರಿಕೆಯ ಆಯ್ದ ಭಾಗವಾ­ದರೂ ಆಗಿರಬಹುದು. ಇಂಗ್ಲಿಷ್ ಸಂಭಾಷಣಾ ಪ್ರಾಯೋ­­ಗಿಕ ಪಾಠಗಳೂ ಈ ಸಂದರ್ಭದಲ್ಲಿ ಉಪಯುಕ್ತವೇ.
ನಿಧಾನ ಗತಿಯ ಓದುಗರಾದರೆ ಸುಮಾರು 60-– 100 ಪದಗಳನ್ನು ಮಾತ್ರ ಓದಿರುತ್ತೀರಿ. ಮಧ್ಯಮ ಗತಿಯವರಾದರೆ 100-– 140 ಪದಗಳು. ವೇಗವಾಗಿ ಓದುವವರಾದರೆ 140-– 200 ಪದಗಳು. ಇದು ನಿಮ್ಮ ಓದಿನ ಗತಿ! ಇದನ್ನು ಟಿ.ವಿ. ಅಥವಾ ರೇಡಿಯೊ ನ್ಯೂಸ್ ರೀಡರ್‌ಗಳ ಓದಿನ ವೇಗದೊಂದಿಗೆ ಹೋಲಿಸಿ ನೋಡಿಕೊಂಡರೆ ತಿಳಿಯುತ್ತದೆ. ವಿದೇಶಿ ವಾರ್ತಾ ವಾಚಕರು 240-– 300 ಪದಗಳ ವೇಗದಲ್ಲಿ ಓದುವುದರಿಂದ ನಮಗೆ ಅವರ ಇಂಗ್ಲಿಷ್‌ನ್ನು ಅಷ್ಟು ಬೇಗ ಅನುಸರಿಸಲು ಸ್ವಲ್ಪ ಕಷ್ಟವಾಗುತ್ತದೆ.
ಇಂಟರ್‌ನೆಟ್‌ನಲ್ಲಿ ಸಾವಿರಾರು ಮಾದರಿ ಪಾಠಗಳು ಲಭ್ಯವಿವೆ.  ನೀವು ಧ್ವನಿ ಮುದ್ರಿಸಿಕೊಂಡಿರುವುದನ್ನು ಮತ್ತೆ ಮತ್ತೆ ಕೇಳಿದಾಗ ಎಲ್ಲಿ ತಪ್ಪಿದ್ದೀರಿ, ಯಾವ ಪದವನ್ನು ಸರಿಯಾಗಿ ಉಚ್ಚರಿಸಬೇಕಿತ್ತು, ಎಲ್ಲೆಲ್ಲಿ ಒತ್ತು ನೀಡಬೇಕಿತ್ತು, ಧ್ವನಿಯ ಏರಿಳಿತ ಹೇಗಿರಬೇಕಿತ್ತು ಎಂಬುದು ತಿಳಿಯುತ್ತದೆ. ಮಕ್ಕಳಿಗೆ ಅವರ ತರಗತಿಯ ಪಾಠಗಳನ್ನು ಓದಿ, ಧ್ವನಿ ಮುದ್ರಿಸಿಕೊಂಡು, ಮತ್ತೆ ಮತ್ತೆ ಕೇಳಲು ಹೇಳುವುದರಿಂದ ಓದುವ, ಮಾತನಾಡುವ, ಆಲಿಸುವ ಕೌಶಲ ಕರಗತವಾಗುತ್ತದೆ.
(ಇಂಗ್ಲಿಷ್‌ ಕಲಿಕೆಗೆ ಪೂರಕವಾಗಿ One Minute English, Applied English Course -– A Handbook of Spoken and Written English, Play and Learn English through Language Games, Blog Blog Blog ಪುಸ್ತಕಗಳನ್ನು ಗಮನಿಸಬಹುದು. ಫೋನ್: 080-22203580 / 30578020).
Easy English through Mobile Phones and Apps - Article in Prajavani Daily - Shikshana Supplement - 18 Nov 2013